33
MAGAZINE
En dan dit
Gastschrijver, ook iets voor jou?
Elke maand willen wij een verhaal/column van een gastschrijver
plaatsen. Het artikel moet op een of andere manier te maken hebben met
Weert en/of Nederweert.
Heb je schrijftalent, stuur dan jouw bijdrage van ca. 400 woorden op naar
.
(Graag met vermelding van naam en leeftijd en stuur ook een recente foto mee.)
Onze eindredacteur maakt maandelijks een keuze uit de aangeleverde stukken.
Dit wordt dan geplaatst in het WTV Magazine van die maand
WTV Magazine, da’s goed gezien
Wieërter volksverhäöl
De ‘Wöllebäö’
Vreuger, daen înkele kieër det oos pap en mam op zaoterdigaovendj wég gînge,
bleef ich beej opa en oma slaope. Det waas gemaekelik want wae woeëndje
naeveneîn. Opa vertéldje altiêd de schoeënste verhäölkes. Hae haaj völ humor
mer hae kos ouch leêge of ‘t gedröktj stóng, soonger ‘n spier in zien gezicht te
vertrékke. Zoeë vertéldje hae kieër op kieër ‘t verhäöl van de ‘Wöllebäö’. Ieërst de
pyjama aan, dan beej opa en oma oppe bânk. Gerdiêne tow, glaeske ranja d’rbeej
en dan begos opa te vertélle: ‘As dejje nao de stad fietsj en gae komtj vanaaf
Bosseve beej de rândweeg, dan mójje good oplétte. Al waat d’r gebeurtj, gae
mótj noeëts achterum kieke want dan waerdje opgevrete door de ‘Wöllebäö’!’.
Heej haaldje opa uut mét ziene ‘klaw’; ich begos te kake en oma keek eure mins
nöt aan en mópperdje: ‘straks deutj gein oug tow’.
‘ ’t Einige waat dejje kuntj doon, is kejhaard doorfietse’, ging opa gewoeën door.
‘En det és al meujlik genóg, want hae springtj beej uch achteroppe fiets en dan
kojje bekans neet veuruut’.
Al wi-j bang det ich woor, toch woeëj ich det opa mieër vertéldje. ‘Op e gegaeve
memênt veuldje dejje lichter traptj’, ging opa wieter.
‘Det is ‘t teîke det hae d’r weer vanaaf és gesproonge en dejje ‘t hetj overlaefdj,
dan hejje gelök gadj’, zag opa.
Dan ging ich de trap op mét ‘t hert inne kael en keek d’n hieëlen tiêd achterum
of ich niks zoog of huuërdje. Woeërum dae ‘Wöllebäö’zjuust dao oppe loor loog
en woeërum hae beej emes achterop spróng in plaats van zelf te loupe weît
ich nog altiêd neet. Ich heb ouch al ‘s gehuuërdj det hae beej wandelaars oppe
rök spróng en zoeë mejlifdje richting stad. Later, wi-j ich e jaor of zéstieën waas
en op stap ging, woort dit verhaol thoês weer aangehaaldj. ‘t Waas bedoeldj as
waarschowwing um neet allein door het doonker nao hoês te fietse, mer ich dînk
neet det det over de ‘Wöllebäö’ ging.
Francien Clijsters
